छत्‍तीसगढ़ी म भागवत कथा भाग-1. मंगलाचरण, कथा आरंभ

‘छत्‍तीसगढ़ी म भागवत कथा’ एक महाकाव्‍य के रूप म लिखे जात हे ऐला धीरे-धीरे कई भाग म प्रकाशित करे जाही । एला श्रीमद्भागवत अउ सुखसागर आधार ग्रंथ ले के छत्‍तीसगढ़ी छंदबद्ध प्रस्‍तुत करे जाही । भाव अउ कला पक्ष अपन ध्‍यान देत सुधार बर अपन सुझाव जरुर देहूं । आज प्रस्‍तुत हे ऐखर पहली भाग । ए भाग म मंगलाचरण, कथा के महत्‍व अउ कथा के प्रस्‍तावना दे जात हे –

।। श्री गणेशाय नमः ।।
।।श्री परमात्मने नमः।।

मंगलाचरण

(गायत्री छंद)

हे प्रथम पूज्य देव,
प्रथम वंदन लेव ।
तेरे शरण मैं आया ।।1।।

मन में श्रद्धा विश्वास,
हाथ दीपक उजास ।
अर्पण करने लाया ।।2।।

वर्ण शब्द रस छंद,
दे प्रभु मैं मतिमंद ।
शरण तुम्हारे आया ।।3।।

हे देव कृपा कीजिये,
अज्ञान हर लीजिये ।
जो मुझको भटकाया ।।4।।

हे गौरी सुत गणेश,
मनावे तुझे ‘रमेश‘
कर मुझ पर दाया ।।5।।

भागवत कथा के महत्व

जय गणपति । जग अधिपति
जय गजमुख । गौरी सुख

पाँव परवँ । माथ धरवँ
श्रद्धा धर । मन मा भर

शिव नंदन । प्रभु वंदन
विनती सुन । थोकिन गुन

दे सुमति । हर कुमति
गुण भर दे । शुभ कर दे

(सुगती छंद)
श्याम राधे । श्याम राधे
मोर भारे । तहीं धारे

दया कर के । हाथ धर के
संग कर लौ । दास कर लौ

चरित तोरे । करय भोरे
जगत तारे । पाप हारे

नाम तोरे । रूप तोरे
तोर दाया । मिटय माया

(छबि छंद)
हे वेद व्यास । करवँ अरदास
मन भर उजास । मोर बड आस

लेत प्रभु नाम । करवँ शुरू काम
जगत पति श्याम । करय मन धाम

देव सुक पाँव । माथे नवाँव
महिमा सुनाव । श्रीहरि लखाव

शारद मनाँव । मूरत बसाँव
मेटव अज्ञान । हृदय भर ज्ञान

पहिली स्‍कंध

अध्‍याय-1

शौनक आदि द्वारा सूत जी के प्रार्थना

(गंग छंद)
मन श्याम राखे । सुक व्यास भाखे
सुन एक बेरा । ऋषि करिन डेरा

हरि क्षेत्र आके । सब जुरीया के
भगवान पाये । यज्ञे रचाये

कर सूत पूजा । विधि कई दूजा
सब हाथ जोरे । मन गांठ छोरे

शुभ प्रश्न पूछे । मन जेन रूचे
हे सूत देवा । धर हमर सेवा

हस वेद ज्ञाता । अउ पुण्य दाता
कलिकाल घोरे । बड़ पाप जोरे

विधि कोन अच्छा । जे करय रक्षा
ओ कथा दे दौ । ओ रीति दे दौ

(निधि छंद)
सुन ऊखर बात । सूतजी अघात
सुन लौं मन लाय । गुरू जेन बताय

लइकापन आय । सुक जंगल जाय
ले बर सन्यास । मन भरे उजास

देखय जब बाप । सह सकय न ताप
सुक-सुक चिल्लाय । बेटा ल बलाय

सुक सुनय न बात । अपन धुन म जात
शुक ल रमे जान । पेड़ मन तमाम

बोलय सुन व्यास । छोड़व अब आस
बोलत हे सूत । शुकजी अद्भूत

ओ सुक के पाँव । मैं माथ नवाँव
हे नेक सवाल । प्रभु कथा कमाल

(दीप छंद)
सुन लौ सब सुजान । देके अपन कान
हे भगवत पुराण । जेखर अपन मान

घीव असन लुकाय । कृष्ण रहय समाय
जे लेवय बिलोय । अपन मन ल धोय

पाहि जीवन सार । होहि बंधन पार
भागवत रसपान । हवय अमृत समान

मिलय ज्ञान विराग । मिटय सब अनुराग
सत रज तम सरूप । ब्रम्हा हरि हर भूप

जनम प्रगति विराम । सब मा हवय श्याम
देवव आखर भाव । ‘रमेश’ के मन ठाव

क्रमश:

अगला भाग